Жаңартылған лифтбек JAC J7 Plus. Қазақстанда әлеуетті бестселлердің бағасы хабарланды

Жаңа үлгінің шыққаны туралы брендтің Қазақстандағы ресми дистрибьюторы – Allur қазақстандық автомобиль компаниясының құрамына кіретін JAC Motors Qazaqstan компаниясының тұсаукесерінде белгілі болды.

Жаңартылған JAC J7 Plus – ең талапшыл жүргізушілердің қажеттіліктерін қанағаттандыратын заманауи және технологиялы автомобиль. Стиль, жайлылық пен қауіпсіздіктің үйлесімі оны сенімді әрі тартымды автомобиль іздеп жүрген Қазақстан тұрғындары үшін тамаша таңдау етеді.

«Мұз бен жалын» деген үлгінің слоганы оның тыныштық пен қуаттылықты жарасымды үйлестіріп, жолда қайталанбас бейне жасайтын бірегейлігін ерекше көрсетеді. 

Лифбек заманауи дизайнымен және басқыншы сипатымен ерекшеленеді. Автомобильдің  алдыңғы бөлігі X-тәрізді радиатор торы мен аэродинамикалық алдыңғы бамперге ие болды. Әрбір фарада 142 жарықдиодты көздерден тұратын толық жарықдиодты оптика жол бойында жарықтың дәл таралуын қамтамасыз етеді. Күндізгі жүріс шамдары автомобильдің бүкіл енімен өтетін жарықдиодты жолақпен біріктірілген, бұл мұзды жарқылмен ұқсастырылады.

J7 Plus пішіні қатып қалған жалын тілдеріне ұқсайтын шапшаң сызықтармен және 18’’ жеңіл қорытпа дискілермен ерекше көрсетілген. Айналар жарықдиодты бұрылыс қайталауыштарымен, электр реттеумен, жылытумен және автоматты түрде жиналмалы электр жетекпен жабдықталған. Автомобильдің артқы бөлігі қайта жасалған жарықдиодты шамдар мен қосарланған газ шығару жүйесіне, жүксалғыш қақпағының электр жетегіне ие болды.

JAC J7 Plus ішінде бүйірлік тірегі мен жылытуы бар алдыңғы анатомиялық спорттық орындықтары қарсы алады. Көп функциялы былғары меңгерік диагоналы 7'' және 10,4'' аспаптар панелімен және Bluetooth, Apple CarPlay мен Android Auto қолдайтын мультимедиа жүйесімен әрекеттесуге мүмкіндік береді. Беріліс қорабының селекторы джойстик түрінде жасалған, ал PM ең ұсақ бөлшектерін сүзгілеуі бар климат-бақылау жүйесі тамаша микроклиматты құра отырып, салонда таза ауаны қамтамасыз етеді. 

JAC J7 Plus капотының астында қуаты 174 а.к. және айналу сәті 300 Нм тікелей жанармай бүркуі бар 1,5 литрлік турбо қозғалтқыш орнатылған. Ол 6 сатылы роботтандырылған беріліс қорабымен бірге жұмыс істейді. Жүрістік бөлігінің алдыңғы жағында MacPherson типті тәуелсіз аспасы және артында көп иінтіректі аспасы бар, бұл жолда тегіс және тұрақты жүруді қамтамасыз етеді.

JAC J7 Plus жүргізуші мен жолаушыларды мұз қалқан сияқты қорғайтын озық белсенді және енжар қауіпсіздік жүйелерімен жабдықталған. Жиынтыққа тартымды бақылау (TCS), бағыт тұрақтылығын бақылау (ESC), соқыр аймақтар мониторингі (BSD), артқы соқтығыс туралы ескерту (RCW) және көлденең бағыттағы қозғалыс туралы ескерту (CTA) жүйелері кіреді. Автомобиль алты қауіпсіздік жастықтарымен және ISOFIX стандартты балалар креслоларына арналған бекіткіштермен жабдықталған.

JAC J7 Plus Қазақстанда қазірдің өзінде екі жинақталу нұсқасында қолжетімді:

- Luxury – бағасы 9 390 000 теңге. Толығымен жарықдиодты оптиканы, 17’’ жеңіл қорыптпа дискілерді, жайлы кіру жүйесі, панорамалық шыны төбені және басқа да көптеген опцияларды қамтиды.

- Flagship – бағасы 9 790 000 теңге. Жоғарыда аталған опциялардан басқа, жүксалғыш қақпағының электр жетегі, 8 аудио жүйесі динамигі, белсенді қауіпсіздік жүйелері және 18’’ жеңіл қорыптпа дискілері қосылған.